Tuna Sejdiu nuk është më beqare, kështu që për momentin shuhen shpresat e atyre djemve që mund të ëndërronin ta kishin një histori dashurie me të, pasi këngëtarja seksi tashmë e ka gjetur mashkullin me të cilin për momentin është lidhur dhe kalon fundjavat me të. Mediat në Kosovë kohë më parë kishin paralajmëruar se këngëtarja ka filluar romancën me një reper të ri, madje i kishin kapur mat ndërsa kanë qenë duke pirë kafe në një lokal në Prishtinë, por këtë lajm nuk e konfirmoi Tuna pasi ajo thoshte se për shkak të angazhimeve profesionale, nuk ka pasur shumë kohë t’i përkushtohet jetës private. Ka qenë shtatori i vitit të kaluar kur u përhap lajmi mbi lidhjen e mundshme të këngëtares Tuna Sejdiu me reperin e ri Cozman, por siç duket kohët e fundit këtë fakt e vërtetojnë daljet e shumta publike me reperin në krah.
Duke qenë se lëvizjet e saja janë shumë të kufizuara për shkak të punës, Tuna nga Tirana shkon në Shkup vetëm për të parë familjen e saj, ndërsa i dashuri i vjen në Tiranë. Paparaci ynë e ka kapur mat teksa argëtohej me Cozman në një pub të Tiranës fundjavën e kaluar, ku siç e shihni të dy janë të përqafuar.Pra, pas këtyre fotove, Tuna nuk mund të thotë më se janë miq, pasi shihen qartë që të dy janë duke përjetuar një histori dashurie. I kontaktuar nga gazeta, reperi i ri nuk dëshiroi të prononcohet në lidhje me jetën e tij private. ”Nuk dua të flas për jetën time private dhe sentimentale”, thekson Cozman, ndërsa Tuna në anën tjetër nuk dëshiron të komentojë aspak mbi këtë gjë, madje as punën e saj për të cilën thotë se e pengon kontrata. Cozman është 27 vjeç dhe ka ardhur nga Londra që të merret me muzikë, duke u bërë pjesë e labelit të njohur “Baba Stars” dhe duke e shoqëruar nëpër koncerte Visarin pas largimit të Ledrit nga grupi “Skillz”. Ndërsa e rëndësishme për Tunën është që të dashurit e saj janë në të njëjtën moshë me këngëtaren, ndryshe nga koleget e tjera të cilat zgjedhin për partner në përgjithësi meshkuj më të mëdhenj në moshë. Tuna ka një martesë të dështuar nga e kaluara dhe shpresojmë që ky të jetë djali i duhur për të.
Burimi: http://www.panorama.com.al