Një skandal i vërtetë ka ndodhur sot në Kuvend, ku ministri i Brendshëm Flamur Noka, ka shpërthyer në akuza ndaj deputetëve të opozitës. Noka i ka quajtur normale fotot e Arben Frrokut me kupolën e policisë dhe ndërkohë ka akuzuar Saimir Tahiri se dhe ai ka ngrënë drekë në lokalin e Frrokut, por akuza më e rëndë e ministri i Brendshëm ka qënë ajo për Taulant Ballën, ku e ka akuzuar se ka tentuar të përdhunojë një femër dhe se mund të jetë me SIDA.
“Keni 24 orë që keni inspiruar një fushatë të gjerë politike për të denigruar procesin, shkatërruar procesin. E keni bërë ju për arsyet tuaja dhe qëllimet që i dini mjaft mirë. Kjo është foto normale, po të merrem më fotot tuaja, duhet të lini vendin, jo kuvendin. Taulant, ti je i lidhur këmbë e kokë me trafikun e drogës dhe femrave, e ke emrin Fatos Gjura. Jep përgjigje për atë vajzën që ke tentuar ta përdhunosh, bëj analizën se mund të dalësh me SIDA. Meqë ju i referoheni fotos, unë ju them zoti Tahiri para 16 ditësh ti zotëri me ke ngrënë darkë, nga ora 8 e gjysëm, me të dyshuarin për vrasjen e kryekomisarit. Sa herë ke ngrënë dhe ke pirë në lokalin e të dyshuarit? Pyesni kryetarin e minibashkisë nr. 6 me kë është ortak në biznes? Ju po merreni me këtë çështje, unë kam kërkuar që të hapet një hetim i gjerë për të gjithha lidhjet e të dyshuarit. Ti në sy të gjithë Kombinatit ke ngrënë dhe ke pirë në lokalin e të dyshuarit. Është një histori juaja politike për të shkatërruar procesin, por është një proces hetimor i rregullt. Ju e sajuat këtë për të mbrojtur ortakun tuaj. Ju inskenuat këtë lojë për të mbrojtur ortakun tuaj” tha Noka.
burimi /alb-observer.com